Teresita Barajuen
Teresita Barajuen | |
---|---|
Bizitza | |
Jaiotzako izen-deiturak | Valeriana Barajuen González de Zarate |
Jaiotza | Foronda, 1907ko irailaren 16a |
Herrialdea | ![]() |
Heriotza | 2013ko ekainaren 12a (105 urte) |
Hezkuntza | |
Hizkuntzak | gaztelania |
Jarduerak | |
Jarduerak | moja |
Sinesmenak eta ideologia | |
Erlijioa | Erromatar Eliza Katolikoa |
Erlijio-ordena | Zistertar |
Valeriana Barajuen González de Zarate[1] (Foronda, 1907ko irailaren 16a – 2013ko ekainaren 12a) moja zistertarra izan zen, Teresita erlijio-izena zuena. Araban jaioa, bizitza gehiena La Buenafuente del Sistaleko Santa Maria monasterioan eman zuen (Olmeda de Cobeta, Guadalajarako probintzia). Munduko errekorra lortu zuen, 86 urte klausuran emanez[1][2][3][4][5].
Bizitza
Valeriana Barajuen familiako zazpi seme-alabetatik zaharrena zen. Nekazaritzan aritzen zen, eta 12 urterekin ikasketak utzi behar izan zituen[6]. 1927ko apirilaren 16an, 19 urte zituela, La Buenafuente del Sistaleko Santa Maria monasterioan sartu zen, eta guztira 86 urte eman zituen klausuran[2]. Portal de tu Ciudadi egindako elkarrizketan esan zuen hasiera batean ez zuela moja izateko asmorik, baina familiaren presioen ondorioz hartu zuela erabaki hori[2][5]. Espainiako Gerra Zibilean, monasteriotik ihes egin behar izan zuen beste mojekin batera[2].
2011ko abuztuan, 40 urtean lehen aldiz, monasteriotik irten zen Benedikto XVI.a aita santuarekin biltzeko, Gazteen Munduko Jardunaldia bisitatzen ari zen bitartean[2][3]. Barajuen 1927ko apirilaren 16an sartu zen monasterioan, Benedikto XVI.a jaio zen egunean[2][7].
Euskara ahaztu zuen arren, euskal azentua mantendu zuen gaztelaniaz bere bizitzaren amaiera arte[1].
2011an Jesús Garcíak idatzitako ¿Qué hace una chica como tú en un sitio como este? liburuan deskribatutako mojetako bat izan zen[2].
2013ko ekainaren 12ko gauean hil zen, 105 urte zituela[2].
Erreferentziak
- ↑ a b c (Gaztelaniaz) Alvarez, Itsaso. «Sor Teresita, la monja que más años lleva en un convento de clausura» ABC 2013-01-15 (Noiz kontsultatua: 2024-06-17).
- ↑ a b c d e f g h (Ingelesez) «Teresita Barajuen: A world-record 86 years in a monastery» Christian Science Monitor 2013-06-12 (Noiz kontsultatua: 2024-06-17).
- ↑ a b (Ingelesez) Levy, Gabrielle. «Cloistered nun dies after serving for 86 years» United Press International 2013-06-12 (Noiz kontsultatua: 2024-06-17).
- ↑ (Ingelesez) Mintz, Zoe. «World’s ‘Longest-Serving’ Cloistered Nun, Sister Teresita Barajuen, Dies At 105-Years-Old» International Business Times 2013-06-12 (Noiz kontsultatua: 2024-06-17).
- ↑ a b (Ingelesez) Siddique, Ashik. «Cloistered Nun Sister Teresita Barajuen Spent 86 'Happy' Years in Convent, Dies At Age 105» Medical Daily 2013-06-12 (Noiz kontsultatua: 2024-06-17).
- ↑ (Gaztelaniaz) Álvarez, Itsaso. «El mundo de Sor Teresita» El Correo 2013-05-28 (Noiz kontsultatua: 2024-06-17).
- ↑ (Ingelesez) «Notable deaths around the nation and world as of June 16, 2013» Oregon Live 2013-06-14 (Noiz kontsultatua: 2024-06-17).
Kanpo estekak
Datuak: Q13847535