Ramon Maria Aldasoro
Ramon Maria Aldasoro | |||||
---|---|---|---|---|---|
1931ko uztailaren 13a - 1933ko urriaren 9a Barrutia: Bizkaia (hiriburua) Hautetsia: Espainiako Bigarren Errepublikako 1. legegintzaldia
1931ko apirilaren 17a - 1931ko uztailaren 11 | |||||
Bizitza | |||||
Jaiotza | Tolosa, 1897ko martxoaren 20a | ||||
Herrialdea | ![]() | ||||
Heriotza | Habana, 1952ko otsailaren 2a (54 urte) | ||||
Hezkuntza | |||||
Heziketa | Madrilgo Unibertsitatea | ||||
Hizkuntzak | gaztelania | ||||
Jarduerak | |||||
Jarduerak | politikaria | ||||
Parte-hartzailea
| |||||
Lantokia(k) | Madril | ||||
Kidetza | Eusko Ikaskuntza El Sitio Agrupación al Servicio de la República (en) ![]() | ||||
Sinesmenak eta ideologia | |||||
Alderdi politikoa | ![]() ![]() |
Ramon Maria Aldasoro Galartza (Tolosa, 1897ko martxoaren 20 – Habana, 1952ko otsailaren 2) euskal herritar politikari errepublikarra eta abokatua zen.
Biografia
Madrilgo Unibertsitatean Zuzenbidea ikasi zuen eta Bilbon hasi zen lanean. Zuzendaritza eta Zientzia Sozialen Akademiako presidenteordea eta Eusko Ikaskuntza eta Bilboko El Sitio elkarteko kidea zen.
Aldasoro Donostiako Itunean parte hartu zuen. 1930ko abenduko altxamendu errepublikarra zela eta atxilotu eta Madrilera eraman zuten kartzelara. 1931ko martxoan Bizkaian Agrupación al Servicio de la República izeneko mugimenduaren sortzailea izan zen. 1936ko apirilaren 17an, Gipuzkoako Gobernadore Zibil bihurtu zen eta Foru Aldundiko Biltzar Kudeatzaile sortu eta Juan Astigarrabia atxilotu zuen.
Zenbait alderdietako kidea izan zen: hasieran Partido Republicano Autónomokoa, gero Partido Republicano Radical Socialistakoa eta azkenean Manuel Azañaren Izquierda Republicanakoa. 1931ko hauteskundetan Bizkaiko diputatu hautatu errepublikar-sozialisten zerrendan. Espainiako Gorteetako idazkaria zela Eusko Ikaskuntzak idatzitako Lizarrako Estatutua onartu zuen. 1932an Iruñean Gestoreen Estatutua idazteko bileran parte hartu zuen eta Nafarroaren parte hartzearen alde egin zuen.
1936ko Espainiako Gerra Zibila hasi eta berehala, Bizkaiko Defentsa Biltzarreko buruzagia zen eta abuztuaren 12an Irin, Gari eta Jangarrien Zuzendari Nagusi hautatu zuten.
Gero, Eusko Jaurlaritza sortu zenean, Merkataritza eta Hornikuntza Sailburu hautatu zuten. Hornikuntza mantentzeko Erresuma Batuarekin merkataritza bultzatu zuen eta komertzio-ordezkaritzak ireki zituen Bordelen, Baionan, Bartzelonan, Valentzian eta Alacanten.
Izquierda Republicana bere alderdiko buruzagiekin izandako harreman txarrak zirela eta, 1938ko otsailean alderditik bota zuten. Hala ere Eusko Jaurlaritzako kidea izaten jarraitu zuen Agirre lehendakariarekin izandako harreman estua zela eta. Bilbo galdu ondoren, Buenos Airesera eraman zuten Argentinan zeuden euskaldunak laguntzeko. Horrexegatik 1939ko abuztuan Comité Pro-Inmigración Vasca eta Euzko Deya. The Voice of the Basques sortuko zuen. 1940ko uztailaren 11n sorberriko Euskadiko Biltzar Nazionalean parte hartu zuen, abertzale ez zen kide bakarra izanik. Era berean, Aldasorok Galeuzca aldizkarian parte hartuko du.
1946an Donibane Lohizunera itzuli zen berrantolatutako Eusko Jaurlaritzan parte hartzeko. Parisen 1947ko martxoan Euskal Federalista Mugimendua eta 1949ko otsailean Consejo Federal Español del Movimiento Europeo mugimenduak sortzeko bileran parte hartu zuen.
1952ko otsailaren 2an Kuban hil zenean Ambrosio Garbisu alderdikide bihurtu zen Sailburu berria.
![]() | Eusko Jaurlaritzako sailburuak (1936) | ![]() |
---|---|---|
Jose Antonio Agirre (Lehendakaritza) • Jesus Maria Leizaola (Lehendakariordetza eta Justizia eta Kultura) • Telesforo Monzon (Herrizaintza) • Eliodoro de la Torre (Ogasuna) • Santiago Aznar (Industria) • Juan de los Toyos (Lana, Aurreikuspen eta Komunikazioa) • Juan Gracia (Laguntza Soziala) • Ramon Maria Aldasoro (Merkataritza eta Hornikuntza) • Juan Astigarrabia (Herri Lana) • Alfredo Espinosa (Osasuna) • Gonzalo Nardiz (Nekazaritza eta Arrantza) |
Datuak: Q9066449