Occident

Occident
Datuak
Mota	mugimendu politikoa
Herrialdea	Frantzia
Ideologia	neo-fascism ^(en) eta revolutionary nationalism ^(en)
Kokapen politikoa	Eskuin-mutur
Historia
Sorrera	1964
Sortzailea	Pierre Sidos ^(en)
Desagerpena	1968ko urriaren 31

Occident (Mendebaldea; 1964-1968) Frantziako ultraeskuin mugimendu bortitza izan zen, maiz faxista gisa deskribatua. Haren kide batzuk geroago eskuineko alderdi batzuetako politikari gailenak izan ziren, baita ministroak ere. Iturriak gorabehera, mugimenduak ez zituen inoiz gainditu 550 kide,^[1] baina badira 1.500 izan zirela diotenak ere^[2].

Sorrera eta jarduerak

Pierre Sidosek (Jeune Nationen sortzailea) sortu zuen 1964an, eta unibertsitateko ikasleak ziren gehienak. Mugimendua oso antikomunista zen, baina Charles de Gaulle presidentearen administrazioa ere salatzen zuen, beste talde kontestatario batzuen ildotik.

1968ko maiatzeko talka bortitzetan, Occident talde bortitz eta ilegaltzat hartu eta administrazioak desegin zuen. Orduan, kide asko Groupe union défense ideologikoki antzekoa zen talean elkartu ziren.

Kide ohi ezagun batzuk^[3]

William Abitbol (politikari frantsesa).
Dominique Chaboche (gero Fronte Nazionaleko kidea).
Patrick Devedjian, (politikari frantsesa).
Claude Goasguen, (politikari frantsesa).
Jean-Jacques Guillet (politikari frantsesa).
Gérard Longuet (ministro ohia, François Léotardetik gertu).
Alain Madelin (politikari frantsesa).
Hervé Novelli (politikari frantsesa).
Gerald Pencionelli (Minute astekari politikariaren zuzendaria).
Ronald Perdomo.
Guillaume Raoult (estatu-idazkari ohia).
Alain Robert
Michel de Rostolan (gero Fronte Nazionaleko kidea).
Xavier Raufer (kriminologoa).

Leloak

Bere esloganen artean, hauek nabarmentzen dira:

Mort aux Bolches! (Heriotza boltxebikeei)
Gauchistes, ne vous cassez pas la tête, Occident le fera pour vous. (Ezkertiarrak, ez hautsi burua, Mendebaldeak zuengatik egingo du.)