Laccaria proxima
Laccaria proxima | ||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Irudi gehiago | ||||||||||||||||||||||||||||
Sailkapen zientifikoa | ||||||||||||||||||||||||||||
Erreinua | Fungi | |||||||||||||||||||||||||||
Klasea | Agaricomycetes | |||||||||||||||||||||||||||
Ordena | Agaricales | |||||||||||||||||||||||||||
Familia | Hydnangiaceae | |||||||||||||||||||||||||||
Generoa | Laccaria | |||||||||||||||||||||||||||
Espeziea | Laccaria proxima Pat., 1887 | |||||||||||||||||||||||||||
Basionimoa | Clitocybe proxima | |||||||||||||||||||||||||||
Mikologia | ||||||||||||||||||||||||||||
|
Laccaria proxima Hydnangiaceae familiako onddo espezie bat da.[1] Jangarri kaskarra. Oina baztertzea gomendatzen da.
Sinonimoa: Laccaria laccata var. moelleri.
Deskribapena
Kapela: 3 eta 5 cm bitarteko diametrokoa, hemisferikoa, ganbiletik lau-ganbilera, unbilikatua; ertza inkurbatua, irregularra eta gardentasunagatik ildaskatua eguraldi hezean. Kapelaren azala matea, pixka bat fibrilosoa, ezkatatsua, kolore aldakorrekoa, gorrixka-laranja koloretik, arre-gorrixkara doan kolorekoa.
Orriak: Zabalak, zabal, arrosa zurbil kolorekoak, esporek zuriz tindatuak.
Hanka: Luzea, zilindrikoa, sendoa, zuzena edo okerra, zuntzezkoa, luzetara ildaskatua, kapelaren kolore berekoa.
Haragia: Urria, arrosa-haragi kolorekoa, higrofanoa, zapore gozo samarrekoa eta usain nabarmenik gabea.[2]
Etimologia: Laccaria terminoa Erdi Aroko latinetik dator, tindatzen, esan nahi duen “laccare” hitzetik. Orrien koloreagatik. Proxima epitetoa latinetik dator, auzokideena esan nahi duen, “proximus” hitzetik, Ziurrenik Laccaria laccata-ren antzekoa delako.
Jangarritasuna
Jangarri kaskarra.[3]
Nahasketa arriskua
Laccaria laccata txikiagoa da eta oin argiagoa du. Laccaria amethystina delakoak kolore morea du.[4]
Sasoia eta lekua
Udazkenean eta neguaren hasieran. Eremu garbietan, baina sastrakadietatik gertu ( estrepa, txilarra, ezkaia) edo basoetatik gertu (artea, pinua). Mediterraneoko kliman ugariagoa, baina ez Laccaria laccata bezain ugaria. Taldeetan ateratzen da.[5]
Banaketa eremua
Kanada, Ameriketako Estatu Batuak, Alaska, Mexiko, Costa Rica, Kolonbia, Txile, Svalbard, Europa, Errusia, Mongolia, India, Txina, Himalaiako eremua, Australia, Zeelanda Berria.[6]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 313 or. ISBN 84-505-1806-7..
- ↑ (Gaztelaniaz) Morales Pulido Juan, Carmona Perate José Julián. (1981). Sociedad Micologica Extremeña, Medalla de Extremadura 2019.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 249 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ Laccaria proxima: GBIF—the Global Biodiversity Information Facility.
Kanpo estekak
- Datuak: Q3027934
- Multimedia: Laccaria proxima / Q3027934