Kotoi organiko

Kotoi organikoa, oro har, India, Turkia, Txina herrialde subtropikaletan eta AEBetako zenbait eskualdeetan modu organikoan hazten den kotoia da, genetikoki eraldatu gabeko landareekin, eta nekazaritzako produktu kimiko sintetikorik erabili gabe, hala nola ongarriak edo pestizidak ^[1], ziurtagiri organikoak onartzen dituztenak izan ezik. Bere ekoizpenaren helburua biodibertsitatea eta ziklo biologikoak sustatzea eta hobetzea da. Estatu Batuetan, kotoi-ustiategiek USDAren Programa Organiko Nazionalaren (NOP) baldintzak bete behar dituzte organikotzat hartzeko. Erakunde horrek zehazten ditu izurriteen kontrolerako, hazteko, ongarritzeko eta labore ekologikoen kudeaketarako baimendutako praktikak. ^[2]