Jules-Édouard Moustic
Jules-Édouard Moustic | |
---|---|
![]() (2013) ![]() | |
Bizitza | |
Jaiotza | Antony, 1951ko urria (72 urte) |
Herrialdea | ![]() |
Hezkuntza | |
Hizkuntzak | frantsesa |
Jarduerak | |
Jarduerak | komediantea eta irrati-esataria |
Enplegatzailea(k) | RMC (en) ![]() |
Izengoitia(k) | Jules-Édouard Moustic |
![]() ![]() ![]() |
Jules-Édouard Moustic[1], benetako izenez Christian Borde (Antony, Senako Gainak[2] 1951ko urria) Île-de-Francen jaio eta azken urteetan Lapurdiko Getarian bizi den umorista da.
Gehienbat ezaguna da Canal+ telebista katean 1990eko hamarkadaren hasieratik egindako Groland fikziozko herria kokalekua zuen albistegi bateko aurkezlearen parodiagatik.
Ibilbidea
1975ean Andorran ibili zen lanean, Radio Andorran baina zuzendaritzak bere lana ez zuen oso gustuko izan, Francoren kontrako bere musika-programazioagatik. Hori dela eta beste printzerri batera jo zuen: Monako.
1987an Alain Chabatek bultzatu zuen RMC uzten eta berarekin Les Nuls saiorako esketxen egileetakoa bihurtzen. Les Nuls L'émission, ABCD Nuls eta Histoire(s) de la télévision saioetarako ere idatzi zuen. Iragarki faltsu batzuk ere idatzi zituen eta horietako batzuetan aritu ere bai.
Hamabi urtez Monakon bizi izan da eta baliteke printzerri hori izatea zenbait urtetan sortu zuen Groland[3] printzerriaren fikzioa sortzeko. Telebistako albistegi "grolandarra" aurkeztu zuen izen desberdinak izan dituen saioan: CANAL International, Le 20H20 (Nulle part ailleurs-ek hedatuak), Groland Sat, 7 jours au Groland, Bienvenue au Groland eta egun Groland Magzine.
Les Guignols de l'inforentzat ere idazten ditu esketxak.
2008ko abenduan Parisko Rond-Point antzokian berak idatzitako Moustic en gros (Ahmed Hamidiren zuzendaritzapean) monologoa burutu zuen.
Euskal Herriarekiko lotura
Azken urteetan Lapurdin bizi da, Getarian[4]; bertako Olharroa pilota taldeko "maskota" bihurtu da.
Musikazale amorratua denez Ipar Euskal Herriko entzuleekin konpartitzen du bere I have a dream irrati pirataren bidez.
2006ko abuztuaren 2an Baionako besten hasiera ekitaldian Jules-Édouard Moustici eman zioten herriko gakoa balkoitik botatzeko aukera.
Bizi den tokiarekiko atxikimendua erakutsi zuen 2009ko ekainean ere, Euskal Herria Zuzenean jaialdian DJ lanetan aritu zenean[5], DJ Tonton Moustic ezizenaz; berdin EHLGren alde sinatu zuenean[6]; "Lehen sinatzaileak" taldean ageri da.
Argitalpenak
- 2000: La Famille Patate (hitzaurrea Jean Pailler, ilustrazioak Zoé Do), Atlantica, Biarritz, 64 or.; ISBN 2-84394-257-8.
- 2003: Journal de moi, Flammarion, Paris, 212 or.; ISBN 2-08-068518-X.
Erreferentziak
- ↑ moustique(=eltxo) hitzarekin duen antzarekin jolasten da.
- ↑ Artikulua Libération-en.[Betiko hautsitako esteka]
- ↑ Présipauté du Groland du izen osoa.
- ↑ Getariara bizitzera joan direnei buruzko artikulua Nouvel Observateur-en.
- ↑ Albistea Garan.[Betiko hautsitako esteka]
- ↑ EHLGren aldeko sinadura bilketa.
Kanpo loturak
Wikimedia Commonsen badira fitxategi gehiago, gai hau dutenak: Jules-Édouard Moustic ![]() |
- Baionako festetan protagonista[Betiko hautsitako esteka] Garan.
- (Frantsesez) « I have a dream » irratiaren webgunea.
- (Frantsesez) Biografia premiere.fr.n.
Datuak: Q3188382
Multimedia: Jules-Édouard Moustic / Q3188382