Gnorimus nobilis

Gnorimus nobilis
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Scarabaeidae
Leinua	Trichiini
Generoa	Gnorimus
Espeziea	Gnorimus nobilis [[|]], 1758

Gnorimus nobilis Scarabaeidae familiako kakalardoa da. Europan eta Turkian bizi da^[1]. Egur ustelaren inguruan aurkitzen da. Euskal Herrian ere aurkitzen da^[2].

Lau azpiespezie existitzen dira:^[1]

• Gnorimus nobilis bolshakovi (Gusakov, 2002)
• Gnorimus nobilis macedonicus (Baraud, 1992)
• Gnorimus nobilis nobilis (Linnaeus, 1758)
• Gnorimus nobilis var. cuprifulgens (Reitter, 1908)

Tamaina ertaineko kakalardoa da, 15-19 mm arteko luzera duena. Kolore berde metalikoa du baina iridiszentzia urre edo brontze kolorekoa izan ohi da, batzuetan gorrindola ere bai. Elitroetan puntu txiki zuriak agertzen ditu^[3]. Sabelaldea kobre kolorekoa edo beltza izan daiteke eta iletsua da.

Beldarra zuria da eta buru marroia du. Aurreko segmentuetan hiru hanka pare ditu.

Lautadatan edo mendialdetan bizitzeko gaitasuna du, beti ere egur ustel ugari dagen baso hostoerorkorretan. Fruitarbola zaharretan ere aurkitzen da.

Intsektu helduak maiatza eta abuztua artean ikusten dira, egun eguzkitsu epeletan bereziki^[4]. Loreetako nektarrez elikatzen dira. Emeek zuhaitz zaharren edo hilen enborretan jartzen dituzte arrautzak.

Beldarrak enbor barruan bizi dira, sahats, makal, pago eta fruitarboletan. Bi urte pasa ondoren 48 mm inguruko luzera hartzen dute eta pupa eratzen dute. Handik kakalardo helduak jaioko dira.

• 
  Intsektu heldua.
• 
  Kakalardoa lore gainean.
• 
  Beldarraren marrazkia.
• 
  Arra eta emea kopulatzen.

• Datuak: Q1337266
• Multimedia: Gnorimus nobilis / Q1337266
• Espezieak: Gnorimus nobilis