Gauza
Gauza | |
---|---|
![]() | |
![]() | |
![]() | |
Kokapena | |
Herrialdea | ![]() |
Udalerria | Metauten |
Administrazioa | |
Herritarra | gauzar |
Geografia | |
Koordenatuak | 42°41′56″N 2°08′03″W / 42.69889°N 2.13417°W / 42.69889; -2.13417 |
Garaiera | 593 m |
![](http://upload.wikimedia.org/wikipedia/commons/thumb/d/d8/Gauza_21.jpg/220px-Gauza_21.jpg)
Gauza[1] (Ganuza, gazteleraz) Metautengo kontzejua da. Euskal Herriko herri bat da, Nafarroako Metauten udalerrian, Lokiz mendilerroaren oinean eta Zologorri. Amildegiaren bi ertzetan.
2007ko urtarrilaren 1eko erroldaren arabera, herriak 63 biztanle ditu.
Toponimoa
Toponimoa jatorri ezezagunekoa da. Euskal -tza atzizkia izan lezake, "ugaritasuna" esan nahi duena. Dokumentu zaharretan honela aipatzen da: Ganuça (atal. 1100, 1268, 1312, 1350, 1366, 1532, 1591, NEN); Ganuza (1280, NEN); Gaunuça, Guanuça (atal. 1280, XIV mendea NEN)
Auzoak
- Jauregi kalea
- Morterupe kalea
- Zologorri kalea
Demografia eta biztanleria
1852[2] | 2000 | 2001 | 2002 | 2003 | 2004 | 2005 | 2006 | 2007 |
---|---|---|---|---|---|---|---|---|
150 | 66 | 65 | 65 | 61 | 60 | 61 | 66 | 63 |
Artea
Santa Eulalia parrokia
Hasiera batean, hegoaldeko horman gezileiho batek dirauen tenplu erromaniko bat egonen zen. Gaur egungo eraikuntza gotikoa da, XIII. mendekoa, zistertar estiloan inspiraturik, Allin haraneko beste eliza batzuk bezala. Oinplano angeluzuzena du, burualde zuzenekoa. Kanpoaldean, altuera desberdineko horma-bularrek hormak eusten dituzte. Atearen arku zorrotza, hegoaldeko horman dagoena, iltze-buruez osaturiko arkibolta batez apaindurik dago. Arkuaren giltzarrian, zizelkaturik dagoen aurpegi bat ageri da. Eskuinaldean, leihate gotiko bat dago. Alboetan, kapitelez erremataturiko zutabetxoak ditu.
XVI. mendean eraikina eraldatu zuten obra garrantzitsuak eginez, hala nola sakristia, gurutze-gangak, habeartearen handitzea eta bi erretaula erromanista jarri ziren, horietako bat Pedro Imbertok egina.
1973an, iparraldeko horman altxatzen den kanpai-horma eraiki zen. Tenpluaren kanpoaldean dagoen metalezko eskailera zakar batek bertara sartzeko aukera ematen du.
Lokizko Done Jakue Basilika
Gotikoa da, XIII. mendekoa. Harlanduxkaz eraikirik, gurutze-gangaz estalirik dago, habeartearen oinaldeko tartean izan ezik, kanoi zorrotzekoa baita. Eskualdeko 25 herritakoa da.
Ekonomia
Hiru landetxe ditu: Gauza landetxea, Sardegi landetxea eta Zologorri etxea.
Natura
Gauzatik hainbat mendi-ibilaldi abiatzen dira, esate baterako Portu Zaharra eta Portu Berria (Zologorriko sakana), biak Lokiz mendilerrora igaten direnak. Bien artean, Lokizko ebakiduraren oinean, San Prudentzio Begirako sarbidea dago, Allin haranera begira dagoen haitzuloa; hegaztiak hazten diren garaian kobazulora sartzea debekaturik dago.
Argazkiak
- Ezkerraldean Eultz, eskuinaldean Gauza eta Aramendia Lokiz mendilerroan
- Antzineko tresnak
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Euskarazko Wikipedian bada atari bat, gai hau duena: Euskal Wikiatlasa |
- Ganuza-Aramendia-Artabia-Basaula. Argazki bilduma (LKontratua90, 2022-05-29)
Datuak: Q12258285
Multimedia: Ganuza / Q12258285
![]() | Metautengo kontzejuak | ![]() |
---|---|---|
Arteaga | Gauza | Metauten | Ollobarren | Ollogoien | Zufia |
![]() ![]() | Artikulu hau Nafarroako geografiari buruzko zirriborroa da. Wikipedia lagun dezakezu edukia osatuz. |