Garbi Losada (Getxo, Bizkaia, 1959 - ) antzerki-zuzendaria, idazlea eta aktorea da. Batez ere antzerkian jardun du, baina telebistan eta zineman ere ibili izan da. Hasieran Tanttaka konpainian eta gero Ados Teatroa konpainian aritu izan da. Ados Teatroa konpainiaren eta Gaupasa S.L. ikuskizun-banatzailearen sortzaileetako bat izan zen. [1]
Tanttaka taldean hasieratik egon zen. Donostiako Zorroagan ikasten ari zela antzerkia egiten zuen. Ez zuen antzerki ikasketa berezirik izan, autodidakta da. «Karrera ikasten ari nintzela eta beste hainbeste urte antzerki eskola batetara sartzeko pazientziarik ez nuen. Nik nahi nuena antzeztea zen» esan zuen. Hernaniko antzerki tailerrean gaztetxoekin zuzendari lanetan ibilia zen, baina 1991ean Tanttaka taldeak plazaratu zuen 'Hansel eta Grettel bezala’ antzezlana izan zen lehen aldia jende aurrerako antzezlan bat zuzendu zuela. Tanttaka taldeak, antzezlan horretaz gain ‘Flaminio’ eta ‘Kontuz, maite zaitut’ ere eskaintzen zituen. Azken bi horietan antzeztu eta kantatu ere egiten zuen.[2][3]
Tanttaka taldea, Garbi Losadak zuzendu zuen Eztei-gaua (Egunkaria, 1995)
Lanak
Beste batzuen artean antzezlan hauek antzeztu, idatzi edo zuzendu ditu:
Antzerkia
Dublindarrak (2018) James Joyce-ren 'Dublindarrak' eleberriaren egokitzapena: José Antonio Vitoria eta Garbi Losada; zuzendaritza: Garbi Losada. Ados Teatroa.[4][5]
Ladydi García (2016) Testua eta zuzendaritza: Garbi Losada. Ados Teatroa. Jennifer Clement-en 'Prayers for the stolen' eleberriaren egokitzapena.
Maitasunaren ostean maitasuna (2015) Testua eta zuzendaritza: Garbi Losada. Ados Teatroa konpainiak produzitu zuen aktore hauekin: Ane Gabarain, Dorleta Urretabizkaia, Sara Cozar eta Vito Rogado.[6]Alzheimerra, gaztetasuna eta zahartzaroa azaltzen dira maitasun istorio batean; panpin errusiarren modura lotuta dauden zenbait istorio kontatzen dituena, non istorio batek beste istorio bat gordetzen duen, eta honek beste bat... Dora Salazar artistaren irudiak eta Javier Asinen musika azaltzen dira obran zehar. Antzerkia, musika eta pintura uztartuta, lan poetiko eta zirraragarri bat eskaintzen da.[7][8] 2016ko Donostia Antzerki Saria eman zioten obrari. Erdarazko bertsioak (El amor después del amor) José María Rodero Publikoaren Saria jaso zuen 2014an Torrejón de Ardozeko emakume zuzendarien lehiaketan eta lehiaketako bigarren saria.
El nombre de la rosa (2013-14) Umberto Ecorena. Ados Teatroa, LA NAVE, TRES TRISTES TIGRES eta AL REVÉS. Zuz.: Garbi Losada.
Secando charcos- Putzuak lehortzen.
Wilt, el crimen de la muñeca hinchable. (2012). Tom Sharperena. Ados Teatroa, Londra eta Arequipa. Zuz.: Garbi Losada.
La guerra de los rose (2010) Warren Adlerrena. Ados Teatroa, Pentación, Arequipa eta New Atlantis. Zuz.: Garbi Losada.
Einstein (2010). Ados Teatroa. Autore eta zuz.: Garbi Losada eta J. Antonio Vitoria.
↑ abAgirre, Lorea. (1991-01-18). «GARBI LOSADA. Antzerki zuzentzaile bezala lehen lan serioan buru belarri» Euskaldunon Egunkariaren hemeroteka. 1990-2003. (Berri.eus.) (Noiz kontsultatua: 2020-01-07).
↑ ab«Garbi Losada. Antzerki zuzentzaile bezala lehen lan serioan buru belarri - Wikiteka» eu.wikisource.org(Noiz kontsultatua: 2020-01-07).
↑(Gaztelaniaz)Antzokia, Teatro Arriaga. «Dublindarrak - Teatro Arriaga» Teatro Arriaga(Noiz kontsultatua: 2018-02-18).
↑Velez, Natxo. (2018). «Garbi Losada: '‘Dublindarrak’ gizatasunaz mintzo da, eta horrek unibertsal egiten du'» www.eitb.eus(Noiz kontsultatua: 2018-02-18).
↑ (PDF) Maiatasunaren ostean maitasuna. (Noiz kontsultatua: 2019-05-19).
↑ ab«DonostiaEuskaraz.eus - 16. Antzerki Saria (2016)» www.donostiaeuskaraz.eus(Noiz kontsultatua: 2018-02-18).
↑«Maitasunaren ostean maitasuna - Ados Teatroa» Maitasunaren ostean maitasuna - Ados Teatroa(Noiz kontsultatua: 2018-02-18).
↑ Ados Teatroaren "Maitasunaren ostean, maitasuna" antzezlanak irabazi du XVI. Donostia Antzerki Saria Donostiakultura.com (2016-03-03)
↑«Ados Teatroak irabazi du Donostia Antzerki saria» Argia(Noiz kontsultatua: 2019-05-19).
↑(Gaztelaniaz)Artezblai. «El amigo de John Wayne | Garbiñe Losada» ARTEZBLAI(Noiz kontsultatua: 2019-05-19).
↑(Gaztelaniaz)gil zamora, carlos. (2002). «El amigo de John Wayne/Ados Teatroa» ARTEZBLAI(Noiz kontsultatua: 2019-05-19).
↑ Garbi Losada, antzerki zuzendaria, egilea eta aktorea. "Antzerkian, beste lanbideetan bezala, bizirik gaudelako egiten dugu lan: pasioagatik, interesagatik edota bizirauteko, alegia" Teresa Sala, Euskonews & Media (2002-10-25)