Francisco Picart

Francisco Picart
Irudi gehiago
Bizitza
Jaiotza	1667
Heriotza	1743ko urriaren 8a (75/76 urte)
Familia
Seme-alabak	ikusi Martín Francisco Picart (en)
Jarduerak

Francisco Picart (Aragoiko Erresuma, c.1667-Iruñea, 1743ko urriaren 8a) 1687 inguruan Iruñean bizi izan zen inprimatzaile eta liburu-saltzailea zen. Aipatu datatik 1734ra arte lan egin zuen, osasun arrazoiengatik bere seme nagusiak, Martin Franciscok, ordezkatu zuen arte. Bederatzi urte geroago hil zen Iruñeko bere etxean, 1743an, 76 urte zituela. Tipografo gisa aritu zen 29 urtez, eta 26 liburu inprimatu zituen, hau da, XVIII. mendean Nafarroan izandako ekoizpen osoaren ehuneko laua.

1667 inguruan jaio zen Aragoiko Erresuman. 1687 inguruan, Iruñera joan zen bizitzera, eta han Josefa de Guirguillanorekin ezkondu zen; 1688an, Martin Frantzisko semea izan zuen eta San Nikolas parrokian bataiatu zuten. Martin Gregorio Zabala inprimatzailea izan zen haren aitabitxia. Hamar urteren buruan, 1698an, bigarren semea jaio zen, Martin Jose.

Kuria kalean kokatu zen, katedraletik gertu, hiriko inprimategi eta liburu-denda gehienak biltzen ziren espazio batean. Etxebizitza zabal bat hartu zuen alokairuan, "botiga" (denda) eta ezkaratzarekin; horrela, garai hartan ohikoa zen bezala, toki berean biltzen ziren familiaren etxebizitza eta negozioa. Jakin badakigu 1698an urtean 24 dukat eta lau urteko errentarekin sinatu zuela alokairua, eta 1703 eta 1708an errenta berarekin berritu zuela.

Bere jarduera ez zen liburuaren mundura mugatu: 1727ko urtarrilean Iruñean bizi zen Miguel de Cortariri ile beltz edo gaztaina-koloreko ar bat saldu zion, 28 dukat itxitako adinekoa. Bestalde, Martin Franciscok, bere seme zaharrenak, 1739an ordainketa-gutun bat sinatu zuen, zeinaren bidez gurasoek zortzi urte lehenago Maria Garatearekin egindako 35 dukaten zorra kitatu zuen.

Alfontso Burguete inprimatzailearekin harreman zahar eta estua izan zuen, 1708an bere etxebizitzaren alokairu-kontratua berritu izanaren lekuko izan baitzen. Picartek, berriz, 1719an parte hartu zuen Burgueteren ezkontzan, lekuko gisa.

Francisco Picart 1743ko urriaren 8an hil zan, 76 urtetara, Kuria kaleko bere etxean. Emaztea lehenago hil zitzaion. Katedralaren barruan dagoen San Joan parrokian lurperatu zuten, gaueko mezekin eta kofradien meza kantatuekin.

• Francisco Aleson: Tomo quarto de los Annales de Navarra (1709)
• Francisco Larraga: Promptuario de la theologia moral (1710)
• Homenaje a Felipe V promovido por el Ayuntamiento de Tudela (1712)
• Constituciones de la hermandad de San Pedro de la Valdorba (1712)
• Bernardo Pacheco: Suma moral / escrita en breve compendio por el R.P.M. Fr. Bernardo Pacheco del Orden de San Bernardo ; aumentada y dispuesta por Don Manuel Rico ; segunda parte (1714)
• Francisco Aleson: Tomo quinto de los Annales de Navarra o segundo de su segunda parte (1715)
• Manuel de Quiñones Villar: Fiestas y recibimiento, que hizo la Muy Noble, y Muy Leal Ciudad de Pamplona à la Mag. de Doña Isabel Farnesio de Parma (1715)
• Publio Ovidio Nason: Las Metamorfoses (1718)
• Virgilio: Las obras de Publio Vrigilio Maron, Diego Lópezen itzulpena (1719)
• Francisco Larraga: Promptuario de la theologia moral / nuevamente reconocido, mejorado, corregido, y añadido por su autor en esta impression, que es la tercera suya (1721)
• Rentas de Roncesvalles (1723)
• Manuel de San Buenaventura: Propugnaculum probabilismi . tractatus vnicus de opinionum probabilitate . traduntur principia theologiae moralis (1925)
• Reglas de la congregación pamplonesa de Nuestra Señora (1728)
• Reglas y constituciones que han de guardar los sacerdotes de la Congregación de la Presentación de Nuestra Señora que está en el colegio de la Compañía de Jesús de la ciudad de Pamplona (1728)
• Pedro Nolasco de Mendinueta: Novena de la esclarecida Virgen S(an)ta Gertrudis la Magna, y breve noticia de algunas de sus heroycas virtudes (1732)
• Andres Barkaiztegi: Historia de la aparicion milagrosa de la imagen de N. Señora de la Soterraña de Nieva, y novena para implorar su auxilio (1733)

Hauek dira Picartek plazaratutako zenbait liburuen azalak:

• 
  Homenaje a Felipe V promovido por el Ayuntamiento de Tudela (1712)
• 
  Constituciones de la hermandad de San Pedro de la Valdorba (1712)
• 
  Visita de Isabel de Farnesio a Pamplona (1715)
• 
  Rentas de Roncesvalles (1723)
• 
  Reglas de la congregación pamplonesa de Nuestra Señora (1728)

• (Gaztelaniaz):Liburutegi Digital Nafarra (BINADI)
• (Gaztelaniaz):Navarra Ondare bibliografikoaren katalogoa
• (Gaztelaniaz):Espainiako Ondare Bibliografikoaren Katalogo Kolektiboa(CCPB)

• Datuak: Q106654274
• Multimedia: Francisco Picart / Q106654274