Emilio Alarcos Llorach
Emilio Alarcos Llorach | |||
---|---|---|---|
![]() ![]() | |||
| |||
Bizitza | |||
Jaiotza | Salamanca, 1922ko apirilaren 22a | ||
Herrialdea | ![]() | ||
Heriotza | Oviedo, 1998ko urtarrilaren 26a (75 urte) | ||
Heriotza modua | berezko heriotza: miokardio infartu akutua | ||
Familia | |||
Ezkontidea(k) | Josefina Martínez Álvarez (en) ![]() | ||
Hezkuntza | |||
Heziketa | Valladolideko Unibertsitatea Madrilgo Unibertsitatea | ||
Hezkuntza-maila | doktorea | ||
Doktorego ikaslea(k) | Manuel Iglesias Bango | ||
Hizkuntzak | gaztelania asturiera | ||
Ikaslea(k) | ikusi
| ||
Jarduerak | |||
Jarduerak | hizkuntzalaria, unibertsitateko irakaslea, filologoa, idazlea eta erromanista | ||
Enplegatzailea(k) | Oviedoko Unibertsitatea | ||
Jasotako sariak | ikusi
| ||
Kidetza | Real Academia Española Academia de la Llingua Asturiana |
Emilio Alarcos Llorach (Salamanca, Espainia, 1922ko apirilaren 22a - Oviedo, Espainia, 1998ko urtarrilaren 26a) espainiar hizkuntzalaria izan zen.
Biografia
R. M. Pidalen eskolan ikasi zuen, eta Dámaso Alonsoren ikaslea izan zen, Filosofia eta Letretako lizentziatura egin zuenean. Madrilen egin zuen doktoregoa, eta Suitzara joan zen gero irakasle. Han, Europako hizkuntzalaritzak urte haietan izan zituen aurrerakuntza estrukturalisten berri jakin zuen (Saussure, Trubetzkoy, Jakobson, Hjelmslev eta Martineten teoriak), eta gero, espainierako hizkuntzalaritza eta literatura-kritikaren ikerketetan erabili zituen.
Espainiara itzuli eta hainbat lekutan irakasle izan ostean, 1951n, Oviedoko Unibertsitateko Filosofia eta letretako fakultatean hasi zen lanean, gramatika historikoko irakasle. Katedra hori bete zuen erretiroa hartu arte, eta handik eragin handia izan zuen hurrengo ikertzaileen belaunaldian.
Alarcosen adore eta zorroztasun zientifikoei esker onartu ahal izan zen Espainian Hjelmslev daniarraren estrukturalismo formala, eta hari buruz idatzi zuen bere Gramatika estrukturala (1951). Fonologiari buruzko bere ikerketak, berriz, Espainiako unibertsitate askotako eskuliburua izan den Fonologia espainiarra (1950) liburuan agertzen dira. Horiez gainera, 1970ean Espainiarraren gramatika funtzionalari buruzko ikerketak obra argitaratu zuen, eta 1994an Hizkuntza Espainiarraren Gramatika. Bere garaiko beste ikertzaile batzuek ez bezala, Alarcosek sintaxian eta fonologian ipini zuen bere arreta guztia.
Besteren artean, Asturiasko Printzearen Saria jaso zuen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q1337419
Multimedia: Emilio Alarcos Llorach / Q1337419