Chaves (Portugal)
Chaves | |||
---|---|---|---|
Portugalgo udalerria | |||
![]() ![]() | |||
| |||
Administrazioa | |||
Estatu burujabe | ![]() | ||
Portugalgo barrutia | Vila Real | ||
Posta kodea | 5400 | ||
Geografia | |||
Koordenatuak | 41°44′24″N 7°28′14″W / 41.739869°N 7.470681°W / 41.739869; -7.470681 | ||
![]() | |||
![]() | |||
Azalera | 591,23 km² | ||
Mugakideak | Boticas (en) ![]() ![]() ![]() | ||
Demografia | |||
Biztanleria | 41.243 (2011) | ||
Dentsitatea | 70 bizt/km² | ||
Informazio gehigarria | |||
Telefono aurrizkia | 276 | ||
Ordu eremua | UTC±00:00 | ||
Hiri senidetuak | Differdange eta Talança | ||
chaves.pt |
Chaves Portugalgo iparraldean dagoen hiria da, Iparraldeko eskualdearen, Trás-os-Montes Garaia azpieskualdearen eta Vila Realgo barrutian kokatutakoa. 41.243 biztanle zituen 2011an, baina erdigunean 17.535 biztanle bizi dira.
Geografia
Portugalgo iparraldeko mugan kokaturik dago. Iparraldean Ourenseko probintzia, hegoaldean Valpaços eta Vila Pouca de Aguiar, ekialdean Vinhais eta mendebaldean Montalegre eta Boticas mugakide ditu.
Fregesiak
|
|
|
Historia
Erromatarren garaia
Lehenengo biztanleak Paleolitoan agertu ziren eremu honetan, baina asentamentu jarraitua erromatarren garaikoa da. Hauek Tamega ibaiaren haran aberatsa okupatu zuten eta hiru errepideren bidegurutze bihurtu zuten. Asentamentu militarra izan zen hasieran baina ondoren inguruko natur baliabideak ustiatu zituzten, hala meategiak nola ur termalak. K.o. 79 urtean, Vespasiano flaviotar zesarraren garaian hiri bihurtu zen eta Aquae Flaviae izena hartu zuen. Garai hartan eraikitako zubiak zutik dirau oraindik.
III menderarte iraun zuten erromatarrek. Orduan sueboek eta bisigodoek eskuratu zuten lurraldea.
Portugalgo erresuma
VIII eta XI mendeen artean mairuen eskutan egon ondoren Alfontso V.a Leongoak konkistatu zuen eta hiriaren harresia eraiki zuen. 1160an Alfontso I.a Portugalgoak Leongo erresumari kendu eta Dinis I.ak gaztelua eraiki zuen Portugalgo mugak zaintzeko. Hurrengo bi mendeetan Galizia eta Leongo gudarosteek sarritan setiatu eta okupatu zuten Chaves.
1807an Frantziarrek erasotu zuten baina Francisco Silveirak tropa anglo-portugesekin berreskuratu zuen. 1830 hamarkadan hainbat agerpen erlijioso gertatu ziren eta Santuário da Nossa Senhora Aparecida (Agerturiko Andre Mariaren santutegia) eraiki zuten.
1929an hiri estatusa lortu zuen.
Bertako janaria
- Chavesko pastelak.
- Chavesko presuntoa (urdaiazpikoa)
- Folar de Chaves
- Chavesko ogia
Ondasun nabarmenak
- Chavesko gaztelua.
- Zubi erromatarra.
Iruditegia
- Chavesko gazteluaren dorrea.
- Chavesko harresiak.
- Zubi erromatarra.
- Igreja da Misericórdia.
- Udaletxea.
Kanpo estekak
- (Portugesez) Chavesko webgune ofiziala
Datuak: Q504580
Multimedia: Chaves / Q504580